الرئيسية
أحدث الصور
من طرف 
النسيان نعمة شبيه ما انساك
حاولت شكثر ما فادت النعمه
لان اسراري بيك من الالف للياء
ماضميت ابد عنك ولا كلمه
اذا ما صدكت اسأل ضميرك شوف
كلشي مسجله انه مدونه بعلمه
صرتلك ليل صافي وبينت النجوم
وماصرت غيمة وختلت نجمه
صرت مثل الصبح واضح حبيبي وياك
ما اتفلسف انه وادخل بعتمه
خلي ايدك بديه انعيد كل الشوك
وانعيش بترافه وتضوي البسمه
من تضحك تروف اجروحي كلهه اطيب
ويرد كلبي العليل يكابر بهمه
اذا عفتك ولك وين الكه مثلك وين
وانه اعصابي بيدك والله ملتمه
يابير الغزل يا منيتي ودنياي
وشم حبك طبع وسط الكلب رسمه
يا ضل الشجر وبنص شمس تموز
حن مره اعله كلبي وفدوه لتحرمه
يادافي الحضن بردان اجيتك حيل
رايد منك انه ارجوك بس خدمه
بس ضل انت سولف واحجي كلشي تريد
كلماتك جمر تشعلني بل كلمه
حن خايب دحن سنتين الك اهواك
طفح مني الصبر ردتك الي تلمه
ماريد انه غيرك وانت بس ادواي
لاتعدمني بيدك جرحي لتعدمه
صرت كل شعري انت ومو فقط الهام
وطيفك يكتب التوقيع وبأسمه
لتكلي انسه انت بنعمة النسيان
حاولت شكثر مافادت النعمه
.
مشكور على مجهودالف الف الف الف الف شكر يا غالى